Շվեդիայում Այվազովսկու նկարը վաճառվել է 1.2 մլն դոլարով

Հովհաննես Այվազովսկու նկարը, որը գտնվել է հին իրերի արկղում, Շվեդիայի Ուպսալա քաղաքում ներկայացված աճուրդին վաճառվել է 1. 2 մլն դոլարով:

Կտավը ստեղծվել է 1858-ին եւ կոչվում է "Ճակատամարտ Բոմարսունդի համար”: Այն գտել են արկղի մեջ այլ իրերի հետ միասին, որոնք Ստոկհոլմի "Մետրոպոլ” ընկերության աճուրդի աշխատակիցներին է բերել Շվեդիայի մի բնակիչ:

Նրա մտքով անգամ չի անցել, որ այդ կտավը կարող է լուրջ արժեք ներկայացնել: Շվեդ քաղաքացին ուղղակի հույս է ունեցել ստանալ 1500 դոլար:

Մասնագիտական փորձաքննությունից հետո ի հայտ է եկել սենսացիան: "Սա իմ կյանքում ամենաանհավանական դեպքն է”,-ասել է Ոպսալայի աճուրդի տան հայտնի փորձագետ Կնուտ Կնուտսոնը:

Նյութը վերցված է henaran.am  լրատվական կայքից