"Սեքսուալ անորեքսիա”` 21-րդ դարի նոր հիվանդությունը

Իտալացի գիտնականները 21-րդ դարին հատուկ նոր հիվանդություն են ախտորոշել, որն անվանել են "սեքսուալ անորեքսիա”: Նրանք այդպես են անվանել տղամարդկանց շրջանում սեռական հարաբերությունների նկատմամբ անտարբերությունն ու էրեկցիայի հետ կապված խնդիրները:

Գիտնականների կարծիքով`աշխարհը "չափից ավելի է մերկացել”. ամենուրեք կարելի է հանդիպել մերկ մարմիններ ու էրոտիկա, ինչի հետեւանքով սեռական ակտիվության շրջանում գտնվող տղամարդիկ կորցրել են սեքսի հանդեպ հետաքրքրությունը:

Մասնագետներն հարցում են անցկացրել 28 հազար տղամարդկանց շրջանում: Պարզվել է, որ էրեկցիայի հետ կապված խնդիրների պատճառը պոռնոֆիլմերի առատությունն է:

Հոգեբանների կարծիքով` խնդիրն ավելի խորքային է: 21-րդ դարում մարդիկ միջանձնային հարաբերություններ կառուցելու փոխարեն հաղորդակցման այլ միջոցների են դիմում, մասնավորապես` շփում ինտերնետով:

"Սեքսուալ անորեքսիայի” բուժումը հնարավոր է սեռական ճիշտ դաստիարակության ու իրական շփման միջոցով, ասում են մասնագետները:

Նյութը վերցված է henaran.am  լրատվական կայքից