Ամենամեծ կուրծք, ամենաերկար եղունգներ… Լույս է տեսել "Գինեսի ռեկորդներ-2012″ գիրքը /ֆոտո/

Սեպտեմբերի 15-ին լույս է տեսել "Գինեսի ռեկորդներ-2012″ գիրքը: Այն այսօրվանից կվաճառվի աշխարհի բոլոր երկրներում, բացի ԱՄՆ-ից եւ Կանադայից, որտեղ գիրքը վաճառքի էր հանվել դեռ 2 օր առաջ:

Գրքում հայտնվել է աշխարհի ամենաերկար լեզուն ունեցողը` Կալիֆորնիայի ուսանողուհի Շանել Թեփփերը, ում լեզվի երկարությունը հասնում է 9. 75 սմ-ի: Շանելը գրքի կազմողներին տված հարցազրույցում ասել է, որ իր լեզվի երկարությունը նկատել է դեռ 8 տարեկանից:

Գինեսի ռեկորդների գրքում տեղ է զբաղեցրել նաեւ "ամենափարթամ” կուրծք ունեցողը` նեգրուհի Էննի Հոքինս-Թըրները, որի կրծքի չափը հասնում է 177. 8 սմ-ի: Աշխարհի ամենաերկար եղունգներն ունեցող Քրիս Վոլթոնը նույնպես հայտնվել է Գինեսի ռեկորդների գրքում:

45-ամյա կինը 18 տարի  չի կտրել եղունգներն ու այժմ նրա եղունգների ընդանուր երկարությունը 6 մետր է. եղունգները տարբեր երկարության են` ամենաերկարը` 91 սմ:

Նյութը վերցված է henaran.am  լրատվական կայքից