Ամենակրքոտ կին քաղաքական գործիչների թվում է նաեւ Ալինա Կաբաեւան /ֆոտո/

Ամերիկացի լրագրող Էրիկ Գոլուբը "The Washington Times” պարբերականի բլոգում հրապարակել է աշխարհի ամենակրքոտ կանանց ցանկը, որոնք զբաղվում են քաղաքականությամբ: Թոփ-30-ի հեղինակը գեղեցիկ սեռի ներկայացուցիչներին իր բլոգում բաժանել է 3 խմբի` դեմոկրատների, կենտրոնամետների եւ հանրապետականների:

Հատկանշական է, որ դեմոկրատների ցանկը գլխավորում է ՌԴ Պետդումայի պատգամավոր, հայտնի մարմնամարզիկ Ալինա Կաբաեւան: Կաբաեւային ներկայացնելիս Գոլուբը հիշեցրել է նրա եւ ՌԴ վարչապետ Վլադիմիր Պուտինի սիրավեպի մասին` նշելով, որ սիրային ինտրիգում կասկածվող Կաբաեւան եւ Պուտինը չեն հաստատում այդ կապը:

Կենտրոնամետների մեջ առաջին հորիզոնականն է զբաղեցնում Իտալիայի վարչապետի սիրուհի, մարոկկացի պարուհի Քարիմա էլ-Մաղրուգը` Ռուբի մականվամբ: Նա ակամայից է հայտնվել քաղաքական գործընթացների մեջ:

Իսկ պահպանողականների ցանկը գլխավորում է իսրայելցի քաղաքական գործիչ Լիկուդ Ցիպի Խոտովելին:

Նյութը վերցված է henaran.am  լրատվական կայքից