Քաղաքականությունից հեռացավ` պոռնոաստղ դառնալու համար /ֆոտո/

ԱՄՆ պետքարտուղար Հիլլարի Քլինթոնի օգնական, 24-ամյա Սամանտա Կոգելմանը թողել է իր աշխատանքը` պոռնոաստղի կարիերայով զբաղվելու համար: Նա մեծահասակների համար նախատեսված ֆիլմերի սիրահարներին ավելի շատ հայտնի է Սամմի Սփեյդս անվամբ:

2006-ի ամռանը քոլեջի ուսանող Սամանտան աշխատանք ստացավ Բուֆֆալոյի սենատոր Հիլլարի Քլինթոնի գրասենյակում: Այդ ժամանակ երկու կանանց միավորեց Բուֆֆալոյի շրջակայքում ամերիկյան ռազմաօդային բազայի փրկության հարցը: Պրակտիկայի ընթացքում Սամանտան տարբեր աշխատանքներ կատարեց:

Սակայն Սամանտայի քաղաքական կարիերան ընդհատվեց այն ժամանակ, երբ նա ամուսնացավ ռոք-երաժիշտ Ադամ Կեգելմանի հետ եւ նրա հետ տեղափոխվեց Լոս-Անջելես: Ինքը` պոռնոաստղը, նշում է, որ այդ աշխարհ է մտել գումարային խնդիրների պատճառով:

Աղջիկը նկարահանվել է տասնյակ  պոռնոֆիլմերում: Twitter-ում Սամանտայի էջից կարելի է անգամ դատել, որ պոռնոաստղի կարիերան նրան հաճելի է: Իսկ Facebook-ի իր էջում աղջիկը գրել է. "Ես պոռնոաստղ եմ: Սիրում եմ սեքսով զբաղվել, երեկույթների մասնակցել եւ համեղ կերակուրներ պատրաստել”:

Հարցազրույցներից մեկում Սամանտան խոստովանել է, որ հազիվ թե Հիլլարի Քլինթոնը հպարտանա իր աշխատանքով` նշելով, որ, այնուամենայնիվ, պետքարտուղարի հանդեպ մեծ հարգանք ունի: Ի դեպ, պոռնոաստղը նշել է, որ երբեք որեւէ կապ չի ունեցել Բիլ Քլինթոնի հետ:

Նյութը վերցված է henaran.am  լրատվական կայքից