10:57Մայիս 24, 2011
 World
Values Survey կազմակերպությունը, որը զբաղվում է աշխարհում տեղի ունեցող
սոցիալ-մշակութային փոփոխություններով, վերջերս 65 երկրներում անցկացրած
սոցհարցման հիման վրա մի ուսումնասիրություն է հրապարակել, որտեղ ասվում է`
աշխարհի ամենաերջանիկ մարդիկ ապրում են Նիգերիայում` աշխարհի
ամենակոռումպացված եւ աղքատ երկրներից մեկում:
Ամենաերջանիկների շարքում նիգերացիներին հաջորդում են Մեքսիկայի,
Վենեսուելայի, Սալվադորի, Պուերտո-Ռիկոյի բնակիչները: Ուշագրավ է, որ
զարգացած Միացյալ Նահանգներում ապրողները հայտնվել են երկրորդ տասնյակի
վերջում, իսկ Մեծ Բրիտանիան` երրորդ տասնյակի կեսերում:
Իսկ ռուսները, հայաստանցիներն ու ռումինացիները հայտնվել են երջանիկների
շարքի ամենավերջին հորիզոնականներում: Հարկ է նշել, որ ուսումնասիրության
հեղինակների խոսքով` ցանկացած ազգ երջանկության իր չափանիշն ունի, որը ոչ
միշտ է պայմանավորված այդ երկրների կենսամակարդակով:
Ի դեպ, անգլիական գրականության դասականներից մեկը` Գրեմ Գրինը, կասեր. "Երջանկությունն անհետանում է, երբ խոսում են նրա մասին”: Նյութը վերցված է henaran.am լրատվական կայքից
|
|
